Во Одделот за интензивна нефролошка нега се лекуваат пациенти со дијагностицирано акутно бубрежно оштетување, акутно влошена бубрежна болест, терминална хронична бубрежна болест со потреба од конзервативен или дијализен третман и критично болни со нефролошко засегање и постоење на мултисистемска слабост.

Во Одделот за бубрежна трансплантација се врши следење и информирање на пациентите со хронична бубрежна болест стадиум 4 и 5 за процесот и можностите за лекување со трансплантација на бубрег

Во Одделот за хронична хемодијализа се прифаќаат и лекуваат пациенти со бубрежна болест во фаза на започнување со дијализно лекување.

Одделот за нефролошка специјалистичко консултативна дејност со дневна болница опфаќа систем на мерки, активности и постапки со цел дијагностицирање и лечење, како и превенција на настанување прогресија и компликации на болните со бубрежни заболувања во случај кога не е потребно превземање на болничко лекување.

Одделението за функциоструктурна процена и хипертензија постои од 1978 година. Болничката дејност на одделението се фокусира на дијагностички постапки и лекување на различни нефролошки состојби и заболувања.

Одделот за васкуларни пристапи спроведува амбулантска, специјалистичко- консултативна, едукативна и хоспитална дејност во делот на обезбедување, одржување, следење и решавање на компликациите поврзани со привремените и трајните васкуларни пристапи за хемодијализа, без разлика дали се работи за пациенти со акутно или хронично бубрежно оштетување.

Преку одделот се врши етиолошка процена, дијагностика и лекување на нефролошки болни, со посебен осврт на пациентите со гломерулонефрити.

Во Одделот за перитонеална дијализа се лекуваат болни со хронична бубрежна болест во стадиум 5 кај кои постои медицинска индикација и можност за лекување со перитонеална дијализа.